Մշակութային զբոսատուր Հռոմում
Տուրի մասին
Զբոսանք Հռոմի պատմական և տեսարժան վայրերով։ Բացահայտենք միասին քաղաքի գեղեցիկ անկյուններն ու կոլորիտային Հռոմը։
Հռոմի քաղաքային զբոսանքը պարզապես ծանոթություն չէ հնագույն հուշարձաններին։ Սա ճանապարհորդություն է դեպի քաղաքակրթության ակունքները՝ մի քաղաք, որտեղ ծնվել և զարգացել է կայսրություն, որի օրենքները, ճարտարապետությունը, մշակույթն ու քաղաքական գաղափարները դարեր շարունակ ազդել են ամբողջ աշխարհի վրա։
Մեր զբոսանքի ընթացքում կբացահայտենք Հռոմի հազարամյա պատմությունը՝ սկսած Հռոմեական կայսրության փառքից մինչև Վերածննդի և բարոկկոյի շքեղությունը։ Կոլիզեումը՝ հռոմեական ինժեներական մտքի բացառիկ գլուխգործոցը, կպատկերացնենք գլադիատորների մարտերը և կբացահայտենք կայսրերի, քաղաքական պայքարների և Հին Հռոմի առօրյա կյանքի պատմությունները։
Կշարունակենք դեպի Վենետիկի հրապարակ, Տրևիի շատրվան, Պանթեոն և Նավոնա հրապարակ՝ ծանոթանալով քաղաքի ճարտարապետական գանձերին և մեծ վարպետների ստեղծագործություններին։ Կխոսենք նաև Հռոմի և Վատիկանի առանձնահատուկ հարաբերությունների, պապական իշխանության, եկեղեցու ազդեցության և քաղաքի հոգևոր ժառանգության մասին։
Հռոմը բացահայտելն անհնար է առանց նրա խոհանոցի։ Կծանոթանանք իտալական գաստրոնոմիայի ամենահայտնի ավանդույթներին՝ պաստա կարբոնարայից մինչև կաչո է պեպե, կբացահայտենք հռոմեական սուրճի մշակույթը և քաղաքի հին սրճարանների մթնոլորտը։
Այս զբոսանքը հնարավորություն է տալիս ոչ միայն տեսնել Հռոմը, այլև զգալ նրա իրական բնավորությունը՝ հզոր, երբեմն հակասական, հավերժական և անսպառ պատմություններով լի։
Երթուղի
Քաղաքային տուր
- Կոլիզեում (Colosseo)
- Կոնստանտինի հաղթակամար
- Տրայանոսի շուկաներ (Mercati di Traiano)
- Կապիտոլիումի բլուր (Campidoglio)
- Վիտտորիո Էմանուելեի հուշարձան
- Տրևիի շատրվան
- Սուրճի ընդմիջում
- Իսպանական սանդուղքներ
- Սուրբ Իգնատիոսի եկեղեցի (Sant'Ignazio)
- Պանթեոն
- Սապիենցա համալսարան (Palazzo della Sapienza)
- Նավոնա հրապարակ
Ինչ է ներառված
- Հայախոս էքսկուրսավար
- Զբոսանք Հռոմի պատմական կենտրոնով
Այլ տուրեր
ՎատիկանՏուր Վատիկանում
ՎատիկանՏուր Վատիկանում՝ Վատիկանի թանգարաններով
ՀռոմՀռոմ և Վատիկան
ՖլորենցիաՄշակութային զբոսատուր Ֆլորենցիայով
ՖլորենցիաՄեքենայով անհատական տուր՝ Ֆլորենցիա և Սան Ջիմինյանո
ՖլորենցիաFiat 500 կաբրիոլետով տուր Ֆլորենցիայում
ՏոսկանաՍիենա, Սան Ջիմինյանո և Կյանտի
ՏոսկանաՍան Ջիմինյանո, Մոնտերիջոնի և Կյանտի
ՏոսկանաՍան Ջիմինյանո և Կյանտի՝ կես օր
ՏոսկանաՎալ դ'Օրչա՝ Մոնտալչինո, Մոնտեպուլչանո և Պիենցա
ՏոսկանաՊիզա և Լուկկա
ՏոսկանաՉինկվե Տերե և Պիզա
ՏոսկանաՉինկվե Տերե
ՏոսկանաԱյլ անհատական տուրեր Տոսկանայում
ՖլորենցիաԻսկական խոհարարական փորձ Ֆլորենցիայում
ՎենետիկԶբոսանք Վենետիկում
ՎենետիկՍուրբ Ղազար կղզի
ՀռոմՏրանսֆեր Հռոմի օդանավակայանից






